Self Love🧘

என் மெலிந்த தேகத்தில் ஓர் மென்மையான காதல் மலர்ந்தது.

காதல் பூத்ததால், முகமும் பொலிவடைந்தது. 

ஓர் நாள், பொலிவான நிலவொளியில் இருவரும் கடற்கரையில் கனவுகளைப் பகிர்ந்திருந்தோம். 

அவள், என் கையில் தலை சாய்த்தாள். 

எப்போதும் இது போல் என் கைகளில் அவளைத் தாங்க விருப்பம். 

இன்னும் கொஞ்சம் பூசினால் போல் நாம் இருந்தால் நன்றாக இருக்கும்,

தலையணை இன்றி அவள், என் கைகளில் உறங்க என்று தோன்றியது. 

உடலை மெருகேற்றினேன், மனதையும் தான். 

மற்றொரு பௌர்ணமி நாளில், 

அதே கடற்கரையில், என் நிலவு என்னை நீங்கியது, பல இடர்பாடுகளினால். 

இதயம் வலித்தது. 

வலியை விரட்டி அடிக்க, 

மேலும் வலியை உருவாக்கினேன். 

உடலை மேலும் வலிமை படுத்தினேன்🏋️. 

இடதை (இதயத்தை) இரும்பாக்கினேன். 

எந்த கையில் அவள் தலை சாய்ந்தாலோ, அந்த ஒற்றை கையினால் புஷ்அப் செய்ய கற்றேன். 

காலம் கடந்து, இதயம் இதமானது🧘. 

வலியும், வழி மறந்தது. 

புன்னகை பூவும் மலர்ந்தது❤️.