Monday, 9 November 2026

செல்ல மகனே

கண்ணடித்து கலக்கும் பேரழகே, 
கள்ளச் சிரிப்பில், 
மயக்கும் சித்திரமே, 
சின்ன கனியமுதே, 
நீ வாழ வேண்டுமே.. 

என் உலகமும் உவகையும், 
ஒருசேர நீயே.. 
உயிரே என் இன்புணர்வே, 
நீ வாழ வாழ்த்துது மனமே. 

என் செல்லமே மகனே, 
எங்கள் காதலின் வரமே, 
எங்கள் உயிரின் ஆதாரமே, 
நீயே சுடரே... 

மதி நிறைந்த சூரியனே, 
எங்கள் மைந்தனே, 
பாருலகம் பாராட்டும், 
பால் வண்ண நிலவே.. 

தந்தையின் முகமும்.. 
தாயுள்ளம் கொண்ட, 
சுடர்மிகு விளக்கே.. 
அழகு பெட்டகமே

 உனை வியந்து பார்க்கும் இந்த பூலோகமே... 

என் செல்லமே மகனே, 
எங்கள் காதலின் வரமே, 
நீ நீடுழி வாழ வேண்டுமே 

Sunday, 8 November 2026

செல்லமே மகனே

கள்ளச் சிரிப்பில் , 
மயக்கும் சித்திரமே, 
கண்ணடித்து கலக்கும் பேரழகே, 
நீ நீடூழி வாழ வேண்டுமே, 

என் உலகமும் நீயே, 
என் உவகையும் நீயே, 
இன்முகத்தால், இன்புற செய்யும் சேயே
நீ நீடூழி வாழ வேண்டுமே, 

என் செல்லமே மகனே, 
எங்கள் காதலின் வரமே, 
எங்கள் உயிரின் ஆதாரமே, 
நீ நிறைய பெற்று வாழ வேண்டுமே. 

மதி நிறைந்த சூரியனே, 
எங்கள் மைந்தனே, 
பாருலகம் பாராட்டும் பால் வண்ண நிலவே, 
நீ நீடூழி வாழ வேண்டுமே, 

தந்தையின் முகமும், 
தாயுள்ளம் கொண்ட அழகு பெட்டகமே, உனை வியந்து பார்க்கும் இந்த பூலோகமே, 
செல்லமே மகனே, 
நீ நீடுழி வாழ வேண்டுமே...